АНДЕРСЕН-НЕКСЁ Мартин

Мартин (өз фамилиясы -

Андерсен) (26. 6. 1869, Копенгаген -1.6. 1954, Дрезден) – дания жазуучусу. Адабий ишин 1893- ж. баштаган. Анын «Жеңишчил Пелле» (1906- 10) романында 1-дүйнөлүк согуш жылдарындагы милитаризмге, шовинизмге каршы күрөш сүрөттөлөт. Ал эми 2-дүйнөлүк согуш мезгилинде империализмди ашкерелеген «Кызыл Мортен» романын жазат. Ал дания ад-тында реализмдин өнүгүшүнө негиз салган. «Дитте – адам баласы» аттуу романы, аңгемелери, публицистикалык чыгармалары, «Эскермелер» (1932-39) повести бар. Ад-ттагы эмгеги үчүн ага Германиянын өкмөтү Улуттук сыйл. берген. Кыргыз тилине айрым чыгармалары («Жанетта» романы, 1974, ж. б.) которулган.