АЙГЫР-ЖАЛ КӨРҮСТӨНҮ

 – б. з. 1–5‑к‑ында Теңир‑Тоо аймагында жашаган көчмөн уруулар­га таандык археол. эстелик. Нарын ш‑нын ба тыш тарабында (7 км) жайгашкан. Бийикт. 0,3— 0,8 м, диаметри 12 м чейин келген 100гө жакын дөбө‑мүрзөлөрдөн турат. Көрүстөндө адамдар жалгыз, кээде түгөйү м‑н казанактуу ж‑а жар­ма көрлөргө башы кыбыланы каратып коюл ган. Көрүстөндөн карала, жыгач идиштер, бы­чак, жебенин учу ж. б. табылган. Байыркы түрк дооруна таандык жоокердин ээр‑токумдуу аты м‑н кошо көмүлгөн көрүстөндөр да кездешкен.

1954‑ж. А. К. Кибиров тарабынан изилденген. Бүгүнкү күндө эстелик толук сакталган эмес.
К. Табалдиев.