АК-САЙ МӨҢГҮЛӨРҮ

АК-САЙ МӨҢГҮЛӨРҮ  Кыргыз Ала-Тоосунун түн. тармагы ‒ Аюу-Төрдүн батыш капталындагы жанаша жаткан 2 мөӊгү (Чыгыш ж-а Батыш). Ала-Арча суусунун алабынан орун алган. Өрөөн тибиндеги мөӊгүлөргө кирет. Чыгыш А.-С. мөӊгүсүнүн уз. 6,2 км, аянты 4,1 км2. Мөӊгүнүн башы деӊиз деӊг. 4870 м, этеги 3220 м бийиктикте жатат. Кар чегинин бийикт. 4120 м. Батыш А.-С. мөӊгүсүнүн уз. 6,4 км, аянты 4,4 км2. Деӊиз деӊг. эӊ бийик жаткан жери 4840 м, этеги 3220 м. Кар чегинин бийикт. 4120 м. Мөӊгүлөр акырындап чегинүүдө. Этек мореналары даана байкалат. Алардан Ак-Сай суусу башталып, Ала-Арчага оӊ тараптан куят.