АЯТ

 (ар. аят ‒ керемет, укмуш) ‒ Курандын касиеттүү саптары; Курандын эӊ кичине, өз алдынча бөлүктөрү. Бир нече А. биригип, сүрөөнү (бапты) түзөт. А-ты мусулмандар кереметтүү ырлар деп аташат. А. Куран 114 сүрөөдөн турат. Ал сүрөөлөр узундугу, көлөмү б-ча белгилүү бир тартип м-н жайгашкан ж-а ар бир сүрөө А-ка бөлүнөт. Эӊ узун сүрөөдө 286 А. бар. А-тарда бир сөздөн 68 сөзгө чейин болушу мүмкүн. Куранда бардыгы 6204‒6236 (ар кыл эсептөөлөр б-ча) А., анда 77934 сөз бар. Араб ири дин уламаларынын ою б-ча, Курандын аят-сүрөөлөрү кереметтүү күчкө, укмуштай купуя сырга ээ болгондуктан, аны башка тилге которуу болбойт деген табу кылымдар бою сакталып келген. Бирок, мусулман калкынын билим-мад-т деӊгээлинин жогорулашы, Куранга болгон кызыгуулардын натыйжасында жогоруда гы табу өз күчүн жоготконсуду. Азыр Куран кыйла элдердин тилине которулуп, жарык көрүүдө. Кыргызчасы Эрнис Турсунов дун которуусунда жарык көргөн. 

                                                                                                                                  Б. Солтонбеков.