АБДУЛЛАЕВ Сайфулла Нурмухаммедович

АБДУЛЛАЕВ Сайфулла Нурмухаммедович (Нури Ахмад) (1959-жылы туулган, Ысык-Көл облусу, Пржевальск шаары) – тилчи, филология илимдеринин доктору (1993), профессор (1995). Түркология, орус тили жана этнология боюнча адис, Новосибирск лингвистикалык мектебинин өкүлү. Пржевальск мамлекеттик пединститутун (1980), СССР ИАнын Сибирь бөлүмүнүн тарых, филология жана философия институтунун аспирантурасын (1984) аяктаган. Пржевальск мамлекеттик пединститутунда улук окутуучу, доцент (1985–93), К. Тыныстанов атындагы ЫМУда доцент, кафедра башчысы. Негизги илимий эмгектери түрк тилдеринин синтаксистик түзүлүшүн моделдөө жана уйгур тилинин синтаксистик түзүлүшүн иликтөөгө арналган.
Эмг.: «Структурно-семантические модели простого предложения в современном уйгурском языке» Б., 1992.