АНТАБЛЕМЕНТ
Jump to navigation
Jump to search
АНТАБЛЕМЕНТ(фр. entablement) – горизонталдык төрт кырдуу устундар системасынын архитектуралык образын түзгөн ордердин жогорку бөлүгү.
Классикалык архитектуранын ордериндеги айрым бөлүктөр: архитрав, фриз жана карниз антаблементти түзөт. Бул бөлүктөрдүн бийиктик катыштары ар кайсы доорлордун ордерлери менен курулуштарында ар башка болгон. Көп учурда фриз бийиктиги боюнча архитравга барабар же андан бир аз бийик болот. Ал эми карниз фризге барабар же бир аз чоң болот. Антаблементтин бийиктиги жалпысынан колоннанын бийиктигине болжол менен 1х4дей тиешелүү.