АТАБЕКОВА Өлмөскан

Өлмөсхан (1922, Жалал-Абад обл., Базар-Коргон р-ну, Көк-Айдар кыш. ‒ 1987, ошол эле жерде) ‒ колхоз өндүрүшүнүн ишмери, Соц. Эмг. Баатыры (1957). Эмгек жолун Базар-Кор

гон р-нундагы Киров атн. колхоздо колхозчу болуп иштөөдөн баштаган. 1940‒44-ж. звено башчысы, 1949‒53-ж. пахтачылык бригаданын бригадири. 1953-жылдан Ленин р-нундагы Фрунзе атн. колхоздун башкармасы. Ал башкарган колхоз Ош обл-нда экон. жактан алдынкы чарбага айланып, айдоо жери 2 эсе, малдын саны 78 %ке, сүт саап алуу 5 эсе, жүн кыркып алуу 2 эсеге көбөйгөн; ар га жерден 24,6 ц пахта жыйналган. 1958‒62-ж. СССР Жогорку Советинин, 1959‒84-ж. Кыргыз ССР Жогорку Советинин депутаты. 1971‒75-ж. Кыргыз ССР Жогорку Советинин төрагасынын орун басары. Эки Ленин, Октябрь Революциясы, Эмгек Кызыл Туу, «Ардак Белгиси» ордендери м-н сыйланган.