АМЕРДИНОВА

АМЕРДИНОВА Магира Мунаждиновна (8. 11. 1954-ж. т., Каракол ш.) – философ, философия илимдеринин доктору (2004). 1975-ж. Пржевальск мамлекеттик педагогикалык институтунун физика факультетин бүтүргөн. Эмгек жолун мектепте мугалим болуп иштөөдөн баштаган. Өзү бүтүргөн институтта инспектор, окутуучу, Илим изилдөө педагогикалык институтунда мугалим, БГУда окутуучу, улук окутуучу, доцент, профессор болуп иштеген. И. Арабаев атындагы КМУда философия кафедрасынын башчысы, профессор магистратура бөлүмүнүн башчысы. Философиянын теориялык-методологиялык, социалдык-саясий проблемалары жана психология, этнопсихология боюнча адис. 150дөн ашык илимий эмгек, 3 монография, 8 окуу китебинин автору.