АЛИЕВ Чыныбек

АЛИЕВ Чыныбек Тукешович (15. 1. 1961, Ысык-Көл облусу, Тоӊ району, Төрткүл айылы ‒ 5. 5. 2004, Бишкек) ‒ милициянын генерал-майору.

Бишкек финансы-экономика техникумун (1978), КМУнун юридика факультетин (1991) бүткөн. 1978‒91-жылдары Тоӊ райаткомунда текшерүүчү, экономист, Аламүдүн райондук ички иштер бөлүмүндө инспектор, улук оперуполномочен, кылмыш издөө бөлүмүнүн начальниги, 1991‒95-жылдары ИИМдин региондор аралык башкармалыгында улук оперуполномочен, 2-бөлүмдүн начальниги, экономикалык кылмышка жана коррупцияга каршы күрөшүү башкы башкармалыгында 3-бөлүмдүн начальниги, 1995‒2004-жылдары Бишкек шаардык ички иштер башкармалыгынын начальнигинин орун басары, Кыргыз Республикасынын ИИМдин Кызматтык кылмыштар менен күрөшүү башкы башкармалыгынын начальниги болуп иштеген. Кыргыз Республикасынын ИИМинин Даӊк мемориалына ысымы жазылган. «Эрдик» ж. б. медалдар менен сыйланган.