АТА-СУУ ТЕМИР КЕНДЕРИ

АТА-СУУ ТЕМИР КЕНДЕРИ – Казакстандагы Караганды облусундагы темир-марганец, барит-полиметалл кендери жайгашкан аймак. 1956-жылдан ачык казылып алынат. Кенташта 60ка жакын майда кендер кездешет. Кен девон, карбон мезгилдеринин жанар тоо жана терриген-карбонаттуу тоо тектеринен турат. Жайылма синклиналынын бир канатында жайгашкан. Жалпы узундугу 140 км, туурасы 10‒30 км. Чалгындалган кендин жалпы запасы 538 млн т. Курамында Аe₂O₃ 39‒51,5%; кенташтагы Mn 15‒40%. Темир-марганец кендеринин ирилери Кара-Жал, Кытай, Жейрен, Үч-Катын III, Жомарт, Камыш, Кереге-Таш, Беш-Төбө, Кылыш жана Ак-Кудук. Кенташтардан алынган чийки зат Казакстандын кара жана түстүү металлургия өнөр жайларында иштетилет.