АК-ТӨӨ МӨҢГҮСҮ

АК-ТӨӨ МӨҢГҮСҮ ‒ Кичи Алай кырка тоосунун түндүк капталындагы өрөөн тибиндеги мөӊгү. Кыргыз-Ата суусунун сол куймасы ‒ Чили-Сайдын алабында жайгашкан. Узундугу 6,0 км, аянты 3,5 км², көлөмү 0,24 км³. Мөӊгүнүн башы деӊиз деӊгээлинен 4900 м, этеги 3850 м бийиктикте жатат. Кар чегинин бийиктиги 4250 м. Абляциясынын аянты 1,8 км². Мөӊгү тартылууда. Андан Ак-Төө суусу башталып, Кыргыз-Ата суусунун сол куймасы Чили-Сайга оӊ жактан куят.