АВТОРДУК КАЛЕМ АКЫ

АВТОРДУК КАЛЕМ АКЫ, а в т о р д у к г о н о р а р (лат. gonorarium ‒ кызматы үчүн акы төлөө) ‒ илим, адабият, искусство ж. б. чыгармаларынын авторлоруна же алардын мурасчыларына төлөнүүчү акы. Автордук калем акы ошол чыгармаларды пайдалангандыгы (мис., басып чыгаруу, көрүүчүлөр алдында же радиоуктуруу ж-а телекөрсөтүү аркылуу берүү ж. б.) үчүн төлөнөт. Сүрөтчү, адвокат, дарыгерлердин эмгегине төлөнүүчү акылар да автордук акы катары эсептелет. Биздин өлкөдө акы төлөөнүн өлчөмү м-н тартибин КРдин Өкмөтүнө караштуу Илим ж-а интеллектуалдык менчик б-ча мамлекеттик агентчилиги аныктайт.