АЙЫЛ ӨКМӨТҮ
АЙЫЛ ӨКМӨТҮ, айыл аймагы – өз бийлик‑укуктарынын чегинде жергиликтүү коомчулуктун ишмердүүлүгүн жанa жашоо‑тиричиликти камсыз кылууну башкарууну ишке ашыруучу айылдык жанa шаарча кеңештердин алдындагы аткаруучу‑тескөөчү орган. Айыл өкмөтү өзүнүн ишмердүүлүгү боюнча айылдык же шаарча кеңешке, ал эми өткөрүп берилген мамлекеттик бийлик‑укуктар боюнча жергиликтүү мамлекеттик администрациянын башчысына жоопкерчиликтүү. Айыл өкмөтүнүн башчысы жергиликтүү эл тарабынан төрт жылга шайланат. Айыл өкмөтү укук абалы жагынан мамлекеттик башкарууга тийиштүү, бирок мамлекеттик башкаруу чөйрөсүнөн тышкары функцияларды да аткара алат. Кыргызстанда 453 Айыл аймагы бар, анын ичинде Чүй облусунда 105, Ошто 88, Жалал‑Абадда 68, Нарында 63, Ысык‑Көлдө 61, Таласта 37 жана Баткенде 31 (2019).
А. Бекбосун кызы.