АЗУРИТ

АЗУРИТ (французча azurite – көгүлтүр) – карбонат­тар классындагы минерал. Химиялык формуласы Си₃[С0₃]₂(0Н)₂. Моноклин сингониясында кристаллданат. Катуу­лугу Моос шкаласы боюнча 3,5–4, тыгыздыгы 3773 кг/м³. Салыштырма салмагы 3,77, өңү кочкул көк, айнек сымал жалтырак. Табиятта халькопирит, борнит ж. б. минералдардын кычкылдануусунан пайда болот. Азурит – курамында 55,3% жез кез­дешкендиктен жездин баалуу кенташы. Көк боёк жасоого да пайдала­нылат.