БАБАЕВ Дөөлөтбай

БАБАЕВ Дөөлөтбай (27. 4. 1952-ж. т., Жалал-Абад обл., Сузак р-ну, Кедей-Арык айылы) ‒ педагог, педагогика илимдеринин доктору (1994). Физиканы окутуунун методикасы, теориясы жана тарыхы б-ча адис. Ош мамлекеттик педагогикалык институтунун физика факультетин бүтүргөн (1972). Санкт-Петербург шаарындагы билим берүү институтунда, 1972‒2005-ж. чейин ОшМуда лаборант, окутуучу, улук окутуучу, доцент, проф., кафедра башчысы, департаменттин директору, проректору, 2005‒2007-ж. чейин Ош гуманитардык педагогикалык институтунун ректору, 2007‒2008-ж. чейин Ж. Баласагын атындагы Кыргыз улуттук университетинде Кошумча билим берүү ж-а квалификацияны жогорулатуу департаментинин директору, ошол эле учурда кафедра башчысы, 2008‒2011-ж. азыркы ИСИТО окуу жайынын ректору, 2011-жылдан Кыргыз билим берүү академиясынын алдындагы педагогикалык кадрлардын квалификациясын жогорулатуу, даярдоо ж-а кайра даярдоо борборунун директору болуп эмгектенүүдө. 80ге жакын илимий эмгектердин автору.
Эмг.: «Теоретические основы профессионального становления учителя физики» СПб., 1992; «Основы профессиональной подготовки учителя физики в системе непрерывного образования» (авторлош). СПб., 1993; «Физиканы окутуу методикасы» (авторлош). Б., 1991; «Наблюдения и измерения при изучении физики в 6‒7 классах средней школы» (авторлош). Ф., 1988.