ГЛОТОВ
1942-ж. сентябрда Советтик Армиянын катарына чакырылган. Волга аскер округунун 101-запастагы полкунда (Кузнецк шаары) сержанттардын мектебин бүтүргөн соң, фронтко жиберилет. Воронеж фронтунун 3-гвардиялык танк корпусунун мотоаткычтар батальонунун курамына кирип, автоматчыдан взводдун командирине чейинки бардык согуштук жолду басып өткөн. Талаа, 2-Украина, 2- жана 3-Белорус, 1-Прибалтика фронтторунда согушкан. Курск салгылашуусуна катышып, Харьковду бошоткон, Литва менен Латвиядан баскынчыларды кууп чыккан. Г. 1944-ж. 28-апрелде Уман-Ботошан операциясы учурунда Бейчений кыш-нын жанындагы салгылашта (Румыния) грант ыргытуу менен окопто эки байкоочуну өлтүргөн; 4-майда аткычтар бөлүкчөлөрүнүн алдына келип, снайпердик мылтыктан душмандын 10 жоокерин жок кылып, «Эрдиги үчүн» медалына ээ болгон. 27-июнда Бобр кыштагынын жанында (Минск обл., Белоруссия) чабуул жасоо учурунда Г-дун отряды душмандын коргонуу линиясына биринчи болуп жетип, отуздан ашык солдатты жана офицерди, Г. өзү 8 фашистти жок кылган. 1-июлда Борисов ш-н алуу үчүн Г-дун отряды импровизацияланган каражаттан сал жасап, биринчилерден болуп Березина д-сынан өтүп, душман менен салгылашкан. Отряд душмандын 25 жоокерин, Г. өзү тогуз фашисти жок кылган жана бешөөнү туткунга алгандыгы үчүн 1944-жылдын 21-июлунда 3-даражадагы Даңк орденин, 1944-жылдын 5-июлунда Раков, 9-июлда Вильнюс ш-н бошотуу үчүн салгылашууда Г-дун отряды 40ка жакын фашистти жок кылып (анын 12си Г-дун жеке эсебине таандык), душмандын бир офицерин туткунга алгандыгы үчүн 1944-жылдын 20-августунда 2-даражадагы Даңк орденин, 1944-жылдын 30–31-октябрында Динздурбе хутору (Латвиянын Приекуле ш-нын түндүк-чыгышында) үчүн болгон салгылашууда взводдун жоокерлери душмандын окопторуна кирип барышып, 50дөй солдаты менен офицерин (анын ичинде төртөө Г-го таандык) жок кылышкан. Латвия жеринде ийгиликтүү согуштук аракеттерди жасагандыгы үчүн 1945-жылдын 24-мартында 1-даражадагы Даңк орденин алган. 1944-ж. декабрда бригада Замбров (Польша) ш-нын аймагына көчүрүлүп, ал жерде 2-Белорус фронтунун аскерлеринин курамына кирген. Бул жерде ал Чыгыш Померандагы стратегиялык чабуул операциясына катышкан. Бул салгылашууларда Г. жеке эрдиги үчүн 1945-жылдын 20-мартында Кызыл Жылдыз орденин алган. Жеңиштен кийин артиллериялык базанын старшинасы катары аскер кызматын уланткан. 1947-ж. демобилизацияланып, мекенине кайтып келген. Кызыл Жылдыз, 1-даражадагы Ата Мекендик согуш ордендери жана медалдар менен сыйланган.