АММОНИЙ

АММОНИЙ, NH₄⁺ – азот менен суутек атомдорунан турган ион. Эркин абалында жолукпайт, бөлүүгө аракет кылганда эле аммиак жана суутекке ажырайт. Ал бирикмелеринде бир валенттүү металлдардын касиетине ээ. Эл чарбасында кеңири колдонулуучу туздары – (NH₄)₂C0₃, NH₄N0₃, (NH₄)₂S0₄, (NH₄)₂S₂0₈. Аммоний хлориди NH₄C1 нашатырь деп аталып, медицинада көп колдонулат. Ал эми Аммоний нитраты, сульфаты жана фосфаттары айыл чарбасында жер семирткич катары кеңири пайдаланылат. Аммоний туздарынын көпчүлүгү сууда жакшы эрүүчү кристаллдар; ысытканда NH₃ бөлүнүп чыгып, оңой ажырайт.