АМАНАЛИЕВ Жусупбек

АМАНАЛИЕВ Жусупбек (1932-ж. т., Нарын обл., Жумгал р-ну) – педагог, педагогика илимдеринин доктору (1992), проф. (1994). КРдин эмгек сиңирген мугалими. Кыргыз мамлекеттик университетинин тарых факультетин бүтүргөн (1953). 1953-63-ж. Жумгал р-нундагы Чаек орто мектебинде мугалим, директор, Ат-Башы р-нундагы балдар үйүнүн директору, партиянын Тянь-Шань обкомунун үгүт-насыят бөлүм башчысынын орун басары. 1963-69-ж. КРдин Элге билим берүү министрлигинин мектептер башкармасында иштеген, 1989-жылдан орус тили жана адабияты институтунда декан, Бишкек гуманитардык университетинде проректор. 100дөн ашык ил. эмгектин автору. «Ардак Белгиси» ордени менен сыйланган.