АК-ДӨБӨ ШААР КАЛДЫГЫ

АК-ДӨБӨ ШААР КАЛДЫГЫ – 9–12‑кылымдарга таан­дык археологиялык эстелик. Чүй облусунун Москва районун­дагы Степинское айылынын түндүк тарабында, Ак-­Суунун жээгиндеги аянтчада жайгашкан. Ал ас­кер жана бийлик ордосу турган шаар болгон. Шаардын негизги бөлүгү Ак‑Суунун сол өйүзүндө жайгашып, 7500 м² аянтты ээлейт. Сырткы дубалынын узундугу 15 км, бийикт. 3–3,5 м, калыңдыгы 18–20 м. Дубалдын сырткы айланасы 10 м жазылыкта казылган аңгектер жана жал тосмолору менен бекемделген. Ак-Дөбө шаар калдыгынын борбордук бөлүгүнүн маданий катмарынын калыңдыгы 1,5 мди түзгөн. Ал жерде көптөгөн турак жайлар жай­гашкан. Темир бычак, жаа, жебе, көркөм кооздук буюмдарынын калдыктары табылган. А. Н. Бернштам, Н. П. Кожемяко, ошондой эле 1974‑жылы Казак мамлекеттик университетинин окумуштуусу У. X. Шалекенов тарабынан изилденген.
М. И. Москалёв.