АРАШАН КАПЧЫГАЙЫ

АРАШАН КАПЧЫГАЙЫ-- Тескей Ала-Тоонун түн. капталында. Арашан суусу аккан багытта түштүктөн түндүккө карай 30-33 кмге созулат.

Алтын-Арашандын тушу.

Таманынын жазы жери 2–3 км, кууш жери 500– 800 м, деңиз деңг. бийикт. 2300–2700 м. Өрөөн байыркы мөңгүнүн аракетинен, суу эрозиясынан жана үбөлөнүүдөн пайда болгон. Жогорку бөлүгү төрлүү (трог) келип, байыркы мөңгүнүн мореналарынан турат. Ортонку жана төмөнкү бө­лүгү кууш, V формасында. Таманында жана тоо капталдарында карагай токойлорунун ири мас­сивдери бар. Шалбаалуу талаа, бийик чөптүү шалбаа зоналары басымдуу. Минералдуу ысык булактар чыгат. Балдардын Ак-Суу санаторийи бар. Жайкы жайыт. Ил., окуу-тарбиялык жана рекреациялык мааниси чоң.