АНГЛИЯ-БИРМА СОГУШТАРЫ

Кыргызстан Энциклопедия Жана Терминология Борбору дан
16:55, 5 Декабрь (Бештин айы) 2022 карата Kadyrm (Талкуулоо | салымдары) (→‎top: clean up, replaced: м-н → <span cat='ж.кыск' oldv='м-н'>менен</span> (2), ж-а → <span cat='ж.кыск' oldv='ж-а'>жана</span> (4)) тарабынан жасалган версия
Jump to navigation Jump to search

АНГЛИЯ-БИРМА СОГУШТАРЫ– 19-к-дагы Англиянын Бирманы каратып алуу үчүн жүргүзгөн баскынчылык согуштары. Биринчи А.-Б. согушунун (1824–26) жүрүшүндө англиялык Ост-Инд компаниясы Рангунду, Аракан жана Тенассерим аймактарын ээлеп, Бирманын борбор шаары Авыга кирген. 1826-ж. 24-февралда Бирмага Яндабо келишимин таңуулаган. Келишим б-ча Бирмадан Аракан, Тенассерим жана 19-к-дын башында Бирма каратып алган Индиянын Ассам жана Манипур княздыктары тартып алынган, 1 млн фунт стерлинг өлчөмүндө контрибуция төлөөгө милдеттендирилген. Экинчи А.-Б. с-у (1852) Ост-Инд компаниясынын мон, шан жана карен урууларынын көтөрүлүшүнөн пайдаланып, Бирманын Пегу облусун кошуп алуусу менен аяктайт. Үчүнчү А.-Б. с. (1885) Улуу Британиянын Бирманы толук багындыруусу менен аяктайт. 1886-ж. 1-январдагы манифест б-ча Бирма Англиянын ээлиги катары таанылып, өзүнчө провинция катары Индиянын курамына кошулат.

"http://encyclopedia.edu.kg/KyrgWiki/index.php?title=АНГЛИЯ-БИРМА_СОГУШТАРЫ&oldid=31475" булагынан алынды