АЦЕТАЛЬДЕГИД

АЦЕТАЛЬДЕГИД, у к с у с а л ь д е г и д и, СН₃СНО ‒ кескин жыттуу, түссүз суюктук. Мол. масса 44; б. эрүү t 124°С; кайноо t 20,8 °C; cуу, спирт, эфир менен бардык көлөмдө аралашат. Касиеттери альдегиддерге окшош, альдолдук конденсация реакциясына оӊой кирет: 2СН₃СНО ® СН₃‒ СН(ОН) ‒СН₂‒СНО. Минерал к-таларынын катышуусунда суюк паральдегидге (СН₃ СНО)₃ жана метальдегидге (СН₃СНО) ₄ полимерленет. Бул эки полимерди күкүрт к-тасын кошуп ысытканда А. пайда болот. Ал сымап тузунун катышуусунда ацетиленге сууну кошуу жолу менен алынат (к. Кучеров реакциясы ). Уксус к-тасын, уксус ангидридин, бутадиенди, ацетальдолду, жасалма чайырларды ж. б. алууда колдонулат.