АНАЭРОБДОР

АНАЭРОБДОР (гр. ап – терс бөлүкчө, аег – аба жана bios – жашоо) – кычкылтексиз чөйрөдө жашай алуучу организмдер. А-го бактериялар, ачыткыч козу карындар, жөнөкөйлөр менен курттардын кээ бир түрлөрү кирет. Чыныгы же облигаттуу А-дор кычкылтексиз, чала же факультативдүү жерде да тиричилик өткөрө алат. Топуракта, сууда, суу түбүндөгү баткакта кеңири таралган. Облигаттуу А-го клостридий бактериялары кирет, алар жаратылышта кеңири таралган, ачуу процесстерин, о. эле кишинин кээ бир коркунучтуу ооруларын (ботулизм, селейме, газ гангренасы) чакырат. Суу жаткан күрүч талааларында жашоо тиричилигин өткөрүүчү метан пайда кылуучу бактериялар да чыныгы А-го кирет. Факультетивдүү А-го ачыткыч козу карындардын түрлөрү, сүт кычкыл бактериялары, кишинин жана жаныбарлардын ичеги көндөйүндө тиричилик өткөрүүчү бактериялар таандык.