АКУСТИКАЛЫК ИМПУЛЬС

АКУСТИКАЛЫК ИМПУЛЬС ‒ таралып жаткан үн толкунунун басымынын кескин өзгөрүшү. Мис., жарылууда, ок атылганда, учкун разрядында, нерселердин кагылышында пайда болгон үн толкундары. А. и-тун ар биринде чоӊ жана кичине басымдын аймактары болот. Анын спектри туташ жана максимум мезгили б-ча анын узактыгына жакын термелүү жыштыгынын аймагына туура келет. Ал чектелген көлөмдө акустикалык изилдөө жүргүзүүдө, гидроакустикада деӊиз чөйрөсүн изилдөөдө жана тереӊдикти өлчөөдө, ультраүн дефектоскопиясында ж. б. колдонулат.