АКРИЛНИТРИЛ

АКРИЛНИТРИЛ, в и н и л ц и а н и д, СН₂=СН-CN ­ - орг. бирикме, акрил к‑тасынын нитрили, мол. м. 53,06, кескин жыттуу, түссүз, ууландыргыч суюктук, кайноо t 77,3°С. Аба менен А‑дин 3,05 жана 17,0% көлөмдөгү кошулмасы жарылгыч. Суу, бензол, метанол, СС1₄ менен азеотроптук ко­шулманы, оңой полимерленип полиакрилнит­рилди пайда кылат. Бутадиен, стирол, винилх­лорид ж. б. менен сополимерлешүү реакциясына кирет. Өнөр жайда пропилен менен аммиактын аралашмасын катализатор менен кычкылданды­руудан жана ацетиленге синил к‑тасын таасир кылуудан алынат. Ал полиакрилнитрил була­сын, бутадиеннитрил каучугун, цианэтил ж. б. өндүрүүдө колдонулат. А. денени дүүлүктүрөт, териге оңой сиңет, анын уулантуу таасири циа­ниттерге окшош.