АЭРОПОНИКА

АЭРОПОНИКА (аэро.... ж-а гр. povos - жумуш) – өсүмдүктү топураксыз же аны алмаштыруучу субстрат жок өстүрүү, гидропоника ыкмасынын бир түрү. Өсүмдүктөрдү азык-зат м-н камсыз кылуу үчүн макро- ж-а микроэлементтери бар эритмелер тамырына себилет. А. ыкмасын орус окумуштуусу В. М. Арциховский сунуш кылган (1910). 3-4 кабат “этажеркасынын” таманы жарык өтө турган синтездик полиэтилен м-н капталат. Анда тешикчелер жасалып, өсүмдүк отуругузулат. Анда азык жиберилүүчү түтүкчөлөр жайгаштырылып, өсүмдүккө азык-зат берилет. А-нын жетишкен жагы субстраты жок ж-а аны кароонун кереги жок. Жетишпеген жагы эритме берүүчү системага такай көз салуу керек ж-а электр энергиясы м-н камсыз кылуунун машакаттуулугу. Бул ыкма көбүнчө чет өлкөлөрдө пайланылат.