АРЫКТОО

АРЫКТОО дистрофия– организмде зат алмашуунун бузулушунан пайда болгон патол. абал. А. организмдин ашыкча иштешинен, сапатсыз же жетишсиз тамактануусунан ж-a ар кандай оорунун кесепетинен болот. Адамдын организминде зат алмашуунун натыйжасында көп энергия пайда болуп, анын бир бөлүгү тиричилик үчүн пайдаланылса, калган бөлүгү запаска сакталат. Бул запас энергия АТФ (аденозинтрифосфат) түрүндө болот. Организмде АТФнын запасы өз убагында толукталбай, азайып кетишинен органдардын кызматы начарлап, адам арыктайт. Дарылоо анын себебине жараша жүргүзүлөт.