АРА ТӨРӨЛГӨН БАЛА

– бала бойго бүткөндөн

кийин төрөт убактысына жетпей, 28—39 жумалык мөөнөтүндө төрөлгөн ымыркай. Ал темпранын өзгөрүшүнө чыдамсыз болуп, айланачөйрө шартына тез көнбөйт. Баланын ара төрөлүшүнө боюнда бар аялдын түрдүү ооруга ж-а кырсыкка чалдыгышы, талгактын оор түрү, ага чейин боюнан алдыруу, кош бойлуу учурда нерв психикалык күч келүү, оор жумуш, үйбүлөдөгү чыр-чатак ж. б. жагымсыз шарттар себеп болот. Андай баланын мүчөсү толук өсүп жетилбеген – баш сөөгү жумшак, кулак калкандары жука, башына жабышып турат. Денесин тыбытка окшогон жүн баскан, териси жука, назик, бырышып, бүктөлүп турат. Ички органдары функциялык жактан толук жетилбеген. Соруу, изденүү, кармоо рефлекстери начар өнүккөн. Салмагы 1500 гга жетпесе атайын камера-кювезде багылат. Бала жаткан бөлмө жарык, таза болуш керек. А. т. б-ны саалган эмчек сүтү м-н, өтө начар төрөлгөн, соруу рефлекси жок бала зонд аркылуу (суткасына 10 жолу) тамактандырылат.