АРАКС

– Закавказье м-н Түркиядагы (башталышы) дарыя, Куранын оң куймасы. Уз. 1072 км,

алабынын аянты 102 миң км². Башталышында кууш терең өрөөн аркылуу агат, ортонку агымында (Арарат түздүгү) өрөөн кеңейип, салааларга бөлүнүп кетет. Төмөнкү агымы КураАракс түздүгү аркылуу өтөт. Орт. чыгымы төмөнкү агымында 285 м3/сек. А. жылына 16 млн т агынды алып келет. A-та СССР м-н Иран курган гидротех. комплекс иштейт.