АНЕКДОТ

(гр. anekdotos – жарыяланбаган) –тамашалуу ж-а сатиралык курч мүнөздөгү

күлкүлүү кыскача баян. «А.» деген термин 1- жолу Прокопий Кесарийскийдин сатиралык «Купуя сырларында» (6-к.) колдонулган. Россияда 18-к-дын 2-жарымында тарай баштаган. Түрк элдеринде А-тор көбүнчө Молдо Насредин, Кожо Насредин ж-а Апендинин ысымдарына байланыштуу айтылат. Кыргыз ад-тында А. деген түшүнүк Октябрь рев-ясынан кийин пайда болгон. Мурда ал «шакаба», «тамаша», «аңгеме» деп аталып келген. Кыргыз элинде Куйручук, Шаршен, Жоошбай ж. б-дын күлкүлүү кылыкжоруктарын баяндаган А-тор бар. Бул жанр актуалдуу темада чыгарылып, өтө тез тарагандыгы м-н өзгөчөлөнөт. Негизги касиеттеринин бири – А. дайыма курч, таамай айтылган сөздөрдүн негизинде курулат. Элдик оозеки чыг-лыкта, о. эле күндөлүк кадыресе турмушта кеңири кездешет.