АМЕРИКА ФУТБОЛУ

– сүйрү топ м-н туурасынан 20 чийинге бөлүнгөн төрт бурчтук аянтта

(90x49 м) ойнолуучу командалык спорт оюну. Командада 45 оюнчу (чабуулчулар, коргоочулар ж-а атайын команда) болуп, 11 кишиден ойношот. Оюн 15 мүнөттүк 4 бөлүктөн турат. А. ф. 1869-70-ж. АКШда пайда болгон. 1900-жылдан

баштап А. ф. колледж ж-а ун-ттердин негизги оюну болуп калган. Анын профессионалдык уюмдары уюшулгандан кийин 1921-ж. Улуттук футболдук лига түзүлгөн. Лиганын эң белгилүү мелдеши – Супер Боул (Суперкубок) кубогу жылына бир жолу өтүлөт.