АЙТМАТОВ М

АЙТМАТОВ Мураталы Бекматович ( 16.12. 1957, Ош (азыркы Жалал‑Абад) обл., Жаңы‑Жол (азыркы Аксы) району, Караван (учурда Кербен ш.) айылы – 2018, Бишкек) – ветеринария илимдеринин доктору (1997), доцент (1991), профессордун милдетин аткаруучу (2010). К. И. Скрябин атындагы КАЧИни бүтүргөн (1980). 1980–1981‑жылдары КАЧИде улук лаборант, Москва ветеринария академиясынын аспиранты (1981–1985). 1985–1992‑жылдары КАЧИнин анатомия жана акушерство кафедрасынынын ассистенти, 1992–1997‑жылдары ушул эле интернатта кафедрада доцент; Айыл жана суу чарба министирлигинде айыл чарба кеңеши кызматынын директору (1997–98); 1998–2001‑жылдары ошол эле жерде директордун орун басары, 2001–2002‑жылдары ушул эле фонддун менеджери; 2002–2005‑жылдары ошол эле министирликтеги Кеңеш берүү жана окутуу борборунун директору, 2005–2006‑жылдары ошол эле жерде башкы тренер. 2006–2010‑жылдары Ташкенттеги Эл аралык Борбордук Азия жана Кавказ боюнча айыл чарбанын изилдөө мекемеси–ИКАРДда илимий кызматкер; 2010‑жылдан КУАУнун профессор милдетин аткаруучу жана биомаданий борборунун жетекчиси. Анын 123дөн ашык илимий эмгектин, анын ичинде 94 методикалык жана практикалык сунуштар, 1 монография, 3 анатомия жана жалпы биология боюнча терминдердин сөздүгү, 4 илимий китептер, 9 брошюра жана 2 патенти жарык көргөн. Эмг.: Новые в экологии и безопасности жизнедеятельности. Санкт‑Петербург, 1999, т. 1; Ветеринарные лекарственные вещества и их применение. – Б., 2003.