АКМАТБАЕВ УЛАНБЕК Таберикович

АКМАТБАЕВ Уланбек Таберикович [19. 2. 1973‑жылы туулган, Фрунзе (азыркы Бишкек) ш] – юрист, саясат таануу илимдеринин доктору (2013). 1995‑жылы КМУУнун юридика факультетин бүтүргөн. 1995–2003‑жылдары ФРГдагы КРдин элчилигинде атташе, «Реемтсма‑Кыргызстан» ачык акционердик коомдо корпоративдик маселелер боюнча директордун ассистенти, юрист, юридикалык бөлүмдүн менеджери, корпоративдик жана юридикалык бөлүмдөрдүн менеджери, генералдык директор, «Империал Табакко Кыргызстан» жоопкерчилиги чектелген коомунда генералдык директор, 2003‑жылдан КР Соода өнөр жай палатасында Эл аралык арбитраждык сотунун арбитри, КР Сууда сүзүү федерациясынын Президенти, мектеп долбоорлорун илгерилетүү жана немец тилин өнүктүрүү боюнча кыргыз‑герман коомунун башкармалыгынын төрагасы, Mortimer Blake эл аралык юридикалык фирмасынын өнөктөшү.