АНГАРА-ПИТ ТЕМИР КЕНТАШТУУ БАССЕЙНИ

 – Россиядагы темир кендери жайгашкан ири

аймак. Краснояр крайындагы Ангара ж-а Чоң Пит д-нын аралыгында. Аянты 135 миң км. Темирдин эсептелген запасы 855 тдан ашат. Кенташтагы (рудадагы) темирдин орт. өлчөмү 39,4- 40,4%. Мында 1946-49-ж. 3 кен ачылган, бирок алар азырынча казылып алына элек. Алар бир аз метаморфизмделген чөкмө кендердин тибине кирет. Калыңдыгы 80-100 м, уз. 15 кмге жеткен кенташтуу горизонт протерозой мезгилинин терриген тоотек катмарларынын арасында жатат. Темирлүү кабаттар тик (45-65°) жайгашып, 600 м тереңдикке чейин жетет. Кенташ негизинен гидрогематит, гематит, сидерит ж-а гетит минералдарынан түзүлүп, алардын өлчөмүнө жараша гематиттүү, хлорит-гематиттүү ж-а сидерит-гематиттүү болуп бир нече типке бөлүнөт.