Difference between revisions of "АХАЛТЕКЕ ЖЫЛКЫСЫ"
м (→top: категория кошуу) |
|||
| 4 -сап: | 4 -сап: | ||
''Ад.'': Конские породы Средней Азии. М., 1937.<br> | ''Ад.'': Конские породы Средней Азии. М., 1937.<br> | ||
[[Категория:1-Том]] | |||
10:54, 12 Сентябрь (Аяк оона) 2024 -га соңку версиясы
АХАЛТЕКЕ ЖЫЛКЫСЫ - байыркы миӊги жылкынын бири. Түркмөнстанда элдик селекция жолу менен чыгарылган. 17-кылымда эле түркмөн жылкылары миӊги жылкы катары көп өлкөгө алып келинген. Көп кылым бою Ахалтеке жылкысын башка жылкыга аралаштырбай өз алдынча тандоо жолу менен сапаты улам жакшыртылып келген. Ахалтеке жылкысы өтө сындуулугу менен айырмаланат. Күлүк, кургакчылыкка, ысыкка чыдамдуу. Башы салыштырмалуу
кичине, мойну узун, ичке, өркөчү бийик, бели узун, көөдөнү кууш, соорусу салыӊкы, териси жука. Айгырынын ыйык жалынан бийикт. 154 см (бээсиники 152 см), дене узундугу 154 см, көкүрөк курчамы 165‒167 см, шыйрагынын жоондугу 19 (18) см. Өӊү тору, көк, аккула, кара, карагер, күрөӊ. Кунан кезинде 1000 м аралыкты 1 мин 07 секда, бышты кезинде 1200 мди 1 мин 19 секда, 2000 мди 2 мин 15,6 секда, асыйдан ашкандары 2400 мди 2 мин 44 секда, 4800 мди 6 мин 01 секда чуркап өтөт. Ал Түркмөнстанда, Казакстанда, Өзбекстанда асыралат. Кыргызстанда кыргыз жаӊы жылкысын жакшыртууга пайдаланылууда.
Ад.: Конские породы Средней Азии. М., 1937.