ИНТЕГРАЛДЫК СХЕМА

ИНТЕГРАЛДЫК СХЕ́МА , и н т е г р а л д ы к м и к р о с х е м а, м и к р о с х е м а (ч и п) – өтө кичине өлчөмдөгү (микроминиатюралык) электрондук түзмөк; элементтери (транзистор, диод, резистор, конденсатор ж. б.) бир технол. циклде даярдалган, бири-бири м-н ыңгайлуу өткөргүчтөр аркылуу байланышкан, бир гана жарым өткөргүчтүү кристаллдын ичинде же бе­тинде жайгашкан схема. И. с. үзгүлтүксүз же

Файл:ИНТЕГРАЛДЫК СХЕМА39.png

Интегралдык схеманын түзүлүшү: 1 – пассивдештирилген (коргоочу) катмар; 2 – өткөр­гүчтүн жогорку катмары; 3 – диэлектрик катмары; 4 – деңгээлди туташтыргыч; 5 – контакт аянтачасы; 6 – металл-оксид – жарым өткөргүч-транзистору; 7 – кремний пластинасы.

дискреттүү электрдик, оптикалык ж. б. белги түрүндөгү маалыматты кабыл алуу, иштеп чы­гуу ж-а жөнөтүү кызматын аткарат. Курамына ж-а түзүлүшүнө карата ал микропроцессор, адап­тер (көзөмөл) ж. б. да боло алат. И. с-ны 1958– 60-ж. С. К. Килби жасаган. И. с. камтыган эле­менттеринин санына жараша – к и ч и н е, о р­т о ч о, ч о ң ж-а ө т ө ч о ң; ал эми иштеп чыккан белгисинин түрүнө карата – ц и ф р а­л ы к ж-а а н а л о г д у к болуп бөлүнөт. И. с. таза материалдан (кремний, германий) жасалат. Цифралык И. с. компьютердин логикалык ж-а эсте сактоо бөлүгүндө колдонулат. Аналогдук И. с. радио ж-а көрүнүш белгилерин, токту,

чыңалууну пайда кылуу, күчөтүү ж-а түрлөнтүү максатында пайдаланылат.