Тармактык Энциклопедия:ЧОҢ Ж-А КИЧИ МАГЕЛЛАН БУЛУТТАРЫ

– туура эмес формадагы анча чон эмес эки Галактика, биздин Галактиканын жандоочулары. Ф. Магелландын ысмынан аталган. Асман түш. жарым шарында жайгашкандыктан КМШнын аймагынан көрүнбөйт. Куралсыз көз м-н караганда эки жаркыраган тумандуулук сыяктуу көрүнөт. Чоң Магеллан булуту Алтын балык (диаметри 7 кпкке жакын), Кичи Магеллан булуту Тукан топ жылдызында (3 кпк) бири биринен 52 ж-а 63 кпк аралыкта жайгашкан. Магеллан булуту галактикалардын жергиликтүү тобуна кирет. Эки булутта, айрыкча Чоң Магеллан булутунда саны ж-а жашы б-ча ар түрдүү көптөгөн жылдыздар чогулмасы, о. эле биздин Галактикада болбогон эски ж-а жаш жылдыздардын шар сымал чогулмалары бар.

Файл:ЧОҢ Ж-А КИЧИ МАГЕЛЛАН БУЛУТТАРЫ.jpg