АРЧАЛЫ ЯШМА КЕНИ

Нарын обл-нунда, КеңСаз кыш-нан 21 км чыгыш тарапта, Жетим кырка тоосунун жонуида, деңиз деңг. 3226 м бийиктикте. 1964-ж. табылып, 1972–73-ж. геол. чалгыидоо жумуштары жүргүзүлгөн. Кен аймагын ордовик мезгилинин башталышында пайда болгон сланецтер түзүп, алардын арасында катмар түрүндө яшма ж-a кремнийлүү тоо тектин катмарчалары жатат. Яшма негизинен ачык кызыл түстө болуп, арасында ак, боз ж-a кызгылт көк түстөгүлөрүнүн жука кабатчалары ж-a линзалары кезигет. Яшма кабатынын калыңдыгы 10 м, уз. 12–15 м. Жаракалуу таш блоктордун өлчөмү 20x20x25 смге жетет. Яшманын арасында темир-марганецтүү тоо тек катмарлары бар. Алар кара, кызыл, күрөң түстөрдөгү жука тилкелерден түзүлүп, булардын айкалышында өтө кооз оймо-чийме байкалат. Айрыкча толкун сымал чийиндер өтө кооз көрүнөт. Бул катмарлардын калындыгы 2–7 м, уз. 75 м. Чыккан блоктордун өлчөмү 15x15x20 см. Жакшы сайкалданып, күзгүдөй жалтырап калат. Болжолдуу ресурсу 2700 м³, кремнийлүү тоо тектики – 15000 м³.