АННАЛЧЫЛАР

– жыл сайын болгон окуяларды баяндап жазуучу байыркы рим тарыхчылары. А-дын чыгармалары патриоттук багытта жазылгандыгы м-н айырмаланган. Алар улуу (б. з. ч. 3–2-к-дын 1-жарымы), ортончу (б. з. ч. 2-к-дын 2-жарымы) ж-а кенже (б. з. ч. 1-к-дын 1-жарымы) А. болуп бөлүнөт. Улуу А. анналдарды, фасталарды, үй-бүлө хроникаларын, өз көзү м-н көргөн кишилердин айтып бергендерин ж-а өз байкоолорун пайдаланышкандыктан, жазгандары чындыкка жакын болгон. Алар негизинен грек тилинде жазышкан. Улуу А-дан Квинт Фабий Пиктор, Л. Цинций Алимент, М. Порций Катон Старший ж. б. өзгөчө белгилүү. Ортончу А. улуулар пайдаланган булактардан эле пайдаланышкан, бирок баяндоолорун кызыктуу, күлкүлүү окуяларды кошуу (Л. Кассий Гемина), мифтерди түшүндүрүү аракеттери м-н (Л. Кальпурний Пизон) күчөтүшкөн. К е нж е А-га Клавдий Квадирагарий, Валерий Анциат, Элий Туберон ж. б. кирет. Ортончу ж-а кенже А. латын тилинде жазышкан. А-дын чыг-лары бизге чейин келип жеткен.