АЙЛАНА-ЧӨЙРӨ

 – адамды тегерете курчап турган жашоо‑тиричилик ж‑а өндүрүштүк иш шарты. Адатта ага табигый чөйрөсү ж‑а адам өзү жараткан материалдык чөйрө (куру­луштар, өнөр жай ишканалары, суу сактагыч­тар, канал дар, жолдор ж. б.) кирет. А.-ч. жа ратылыш чөйрөсүнө Караганда кеңирирээк маа­ниде. Табигый чөйрөсү коргоого көбүрөөк муктаж болот. Анткени, адамзат жараткан чөй рөнүн объектилеринен ткабигый чөйрө жа­быркап, алардын байланыштары үзүлүп, таби гый тең салмактуулук бузулат. Демек, коомдук өндүрүштүн өнүгүшүнө ж‑а адамзаттын дээрлик геогр. кабыкты камтып иш чөйрөсүнүн кеңейи­шине жараша табиятты коргоо б‑ча комплекстүү иш‑чаралардын зарылдыгы келип чыгат.