БААЛЬБЕК барагынын баштапкы кодун көрүү

'''БААЛЬБЕК -''' Ливандын түндүк-чыгышындагы шаар. Калкы 30,9 миӊ  (2005). Антиливан кырка тоолорунун этегинде, деӊиз деӊгээлинен 1117 ''м'' бийиктикте жайгашкан. Алгач б. з. ч. 14-кылымда эскерилет. Баал кудайына (Финикия, Палестина, Сирия, кийин Египет, Грекияга ж. б. тараган түшүмдүүлүктүн, суунун, согуштун кудайы) тайынуу борбору катары белгилүү. Птоломейдин тушунда шаар күн кудайы Гелиостун атынан Гелиполь, 16-кылымдан Юлий Август Феликс Гелиополитан Колониясы деп аталган. 1898‒1905-жылдары  О. Пухштейн жетектеген немис экспедициясы археологиялык  казууларды жүргүзгөн. Театр, ипподром, храмдардын комплексинин калдыктары табылган, <span cat='ж.кыск' oldv='а. и.'>анын ичинде</span> өзгөчө Вакх храмы жакшы сакталган. Ошондой  эле Венера, Юпитер ж. б. храмдары бар. 637-жылы Баальбек  арабдар тарабынан басылып алынган. 13-кылымда ал аймак чепке айландырылып, чыгыш тарабына мечит <span cat='ж.кыск' oldv='ж-а'>жана</span> мунара салынган. 1956-жылдан ал шаарда Эл аралык музыкалык-театр фестивалы өткөрүлүп турат. Баальбек туризм борборлорунун бири. Шаар ''Бүткүл дүйнөлүк мурастын'' тизмесине катталган.<br>