АВТОМАТТЫК БАШКАРУУ ТЕОРИЯСЫ барагынын баштапкы кодун көрүү

'''АВТОМАТТЫК  БАШКАРУУ  ТЕОРИЯСЫ''' ‒ ''автоматтык башкаруу системасын'' изилдөөчү тех. кибернетика илиминин бир бөлүмү. А. б. т-нын негиздерин илим катары англ. математик Дж. К. Максвелл (1831‒79), орус окумуштуусу И. А. Вышнеградский (1832‒95), орус математиги А. А. Ляпунов ж. б-лар түзүшкөн. Ал башкаруу системаларын куруу жоболорун <span cat='ж.кыск' oldv='ж-а'>жана</span> системадагы процесстердин негизги закондорун изилдейт. Адегенде'' автоматтык жөндөө ''теориясы (АЖТ) катары өнүгүп, тех. механиканын бир бөлүгү болгон. Акыркы жылдарда биол. организмдердеги <span cat='ж.кыск' oldv='ж-а'>жана</span> экон. системалардагы башкаруу проблемалары <span cat='ж.кыск' oldv='м-н'>менен</span> тех. системалардагы башкаруу процесстерин окшоштуруп түшүнүүгө мүмкүндүк болуп, анын максаттары <span cat='ж.кыск' oldv='м-н'>менен</span> ыкмалары татаалдап, АЖТ ‒ «Автоматтык башкаруу теориясы» деп аталып калды. Техникадагы А. б. т-нын негизги проблемасы ‒ автоматтык башкаруу системасын (АБС) синтездөө <span cat='ж.кыск' oldv='ж-а'>жана</span> анализдөө. Айтылган проблеманы чечүү АБСтин динамикалык касиеттерин изилдөөнү талап кылат. Бул үчүн динамикалык процесс учурунда системанын абалы дифференциалдык теӊдемелер <span cat='ж.кыск' oldv='м-н'>менен</span> жазылат. АБСтин динамикалык режимин талдоо, анын ишке жөндөмдүүлүгүн (зарыл шарты ‒ анын туруктуулугу), тактыгын аныктайт. Системанын туруктуулугун изилдөө үчүн атайын критерий иштелип чыккан, параметрлерин, схемасын өзгөртүү <span cat='ж.кыск' oldv='м-н'>менен</span> анын туруктуулугуна жетишилет. Анда оптималдуу, ылайыктуу башкаруу системаларын изилдөө, түзүү маселелери өзгөчө орунду ээлейт <span cat='ж.кыск' oldv='ж-а'>жана</span> эсептөө техникасын колдонбой түзүү өтө татаал иш. ''Ж. И. Батырканов.''