КОЛЛИЗИЯ
КОЛЛИ́ЗИЯ (лат. collisio – кагылыш) – 1) к ө р к ө м а д а б и я т т а көз караштары, кызыкчылыктары ар түрдүү адамдардын, социалдык топтордун ортосундагы кагылыштардын, күрөштүн сүрөттөлүшү. Бул терминди илимге Г. Гегель киргизген. Көп учурда көркөм чыгармада «конфликт» түшүнүгүнүн синоними катары колдонулуп, социалдык мүнөздө болот (к. Конфликт); 2) г е о л о г и я д а – эки же бир нече күчтүн бири-бири м-н кагылышуусу. Көбүнчө жер кыртышындагы литосфералык плиталарда байкалат. Тектоникалык кыймылдарда жүрөт.