КЛИМАТТЫН ӨЗГӨРҮШҮ
КЛИМАТТЫН ӨЗГӨРҮШҮ – Жер шарындагы же анын ири бөлүгүндөгү климаттык шарттын узак убакыт бою (10 жылдан ашык) бир багытта же ыргактуу өзгөрүүсү. Г е о л о г и я л ы к климаттын өзгөрүшү палеогеографиялык изилдөөлөрдүн негизинде Жердин тарыхында узак убакыт бою жылуу ж-а суук мезгилдердин болгондугун далилдейт. Т ар ы х ы й климаттын өзгөрүшү негизинен археологиялык ж-а жыл баяндамаларынын маалыматтары акыркы бир нече миң жылдын ичинде климат кескин өзгөрбөгөндүгүн айгинелейт; мисалы, КМШнын аймагында эң жылуу ж-а кургакчыл климат 13- ж-а 19–20-кылымдарда болгон. А з ы р к ы климаттын өзгөрүшү метеорологиялык байкоолордун, ошондой эле дендрохронологиялык ж. б. ыкмалардын негизинде акыркы ондогон (кээде жүздөгөн) жылдарды камтыйт; анда климат циклдик өзгөрүүдө болгондугу аныкталат.