КИЧИ САНДЫК АЛТЫН КЕНИ
КИЧИ САНДЫК АЛТЫН КЕНИ Жалал-Абад облусунун Чаткал районунда, Чандалаш суусунун оң жээгинде, деңиз деңгээлинен 2600–3000 м бийикте. 1965-жылы табылган. 1965–76-жылдарда изделип бааланган. Кен аймагы пермдин гранодиорит-порфирлери м-н жирелген, карбондун кварц желвактары бар акиташ тектеринен түзүлгөн. Кенташ гранодиорит-порфир м-н акиташ тектеринин эндоконтактындагы тарам түрүндөгү тик жантайган скарн тулкулары м-н байланышкан. Кен магмадан кийин минералдашкан. Тарамдашкан зоналар тибине ж-а скарн-алтын-жездүү формацияга кирет. Негизги минералдары: нукура алтын, борнит, халькопирит, халькозин, арсенопирит, пирит, галенит, сфалерит. Кенташтагы алтындын орточо өлчөмү 6,6 г/т, күмүш – 11,4 г/т, жез – 1,66%. Кенташтын болжолдуу ресурсу 4062 миң т; алтын – 27,049 т, күмүш – 46,203 т, жез – 67645 т.