КИНОВАРЬ
КИ́НОВАРЬ – сульфиддер классына кирүүчү минерал. Химиялык формасы HgS. Тригон системасында кристаллданат. Өңү-түсү кызыл, ачык кы-
зыл, кээде күңүрт тартып, көгүш боз болуп кубулжуйт. Алмаздай күчтүү жалтырайт. Катуулугу Моос шкаласы боюнча 2–2,5, салыштырма
салмагы 8. Төмөнкү температурадагы гидротерм кендеринде кварц, кальцит, барит, антимонит, пирит, марказит ж. б. минералдар м-н бирге пайда болот. Киноварь – сымаптын кенташы. Кызыл боёк даярдалат (байыркы Египетте сүрөт тартуу үчүн колдонгон. Байыркы заманда кытайлар бычак м-н кырып алышып, жаратка сыйпашкан. Ошол себептен кытайдын «кырма кызыл дарысы» деп аталып калган).