КРИЗИСТИК АБАЛ
КРИЗИСТИК АБАЛ , к р и т и к а л ы к а б а л – эки фазалуу системанын ортосундагы айырма жоголуп, бирдей касиетке ээ болгон чектик тең салмактуу абал. К. а-дагы заттардын параметрлери төмөнкүлөр: кризистик басым (ркр), кризис темп-ра (Ткр.), кризистик көлөм (Vкр.) ж. б. Эгер газ абалындагы зат кризистен жогору темпрада болсо, анда ал каалаган чоң басымда суюктукка айланбайт. К. а-га жакындаган сайын жанаша фазадагы заттардын тыгыздыгындагы, курамындагы, касиетиндеги айырмачылыктар жана фазалык өтүү жылуулугу, фаза аралык беттик тартылуу азаят да, кризис чекити нөлгө барабар болуп калат. Аралашмадагы тыгыздыктын жана концент-нын термелүүсү (флуктуациясы) кыйла өсөт. Заттын структурасындагы жана касиетиндеги бул өзгөчөлүктөр К. а-да байкалуучу кризистик кубулуштарга алып келет.