КРИЗИСТИК АБАЛ
КРИЗИСТИК АБАЛ , к р и т и к а л ы к а б а л – эки фазалуу системанын ортосундагы айырма жоголуп, бирдей касиетке ээ болгон чектик тең салмактуу абал. Кризистик абалда заттардын параметрлери төмөнкүлөр: кризистик басым (ркр), кризис температура (Ткр.), кризистик көлөм (Vкр.) ж. б. Эгер газ абалындагы зат кризистен жогору темпрада болсо, анда ал каалаган чоң басымда суюктукка айланбайт. Криситтик абалга жакындаган сайын жанаша фазадагы заттардын тыгыздыгындагы, курамындагы, касиетиндеги айырмачылыктар жана фазалык өтүү жылуулугу, фаза аралык беттик тартылуу азаят да, кризис чекити нөлгө барабар болуп калат. Аралашмадагы тыгыздыктын жана концентрациянын термелүүсү (флуктуациясы) кыйла өсөт. Заттын структурасындагы жана касиетиндеги бул өзгөчөлүктөр кризистик абалда байкалуучу кризистик кубулуштарга алып келет.