КЫЗЫЛ-СУУ 5
КЫЗЫЛ-СУУ – Чүй обл-нун Кемин р-нундагы кыштак. Алмалы айыл округуна караштуу. Деңиз деңг. 1300 м бийикте жайгашкан. Райондун борбору ж-а т. ж. бекети Кемин шаарчасынан 25 км түш.-батыш тарапта. Кыштак 1919-ж. негизделген. Калкы 1430 (2009); негизинен мал багат. Орто мектеп, китепкана, клуб, бала бакча бар. Турмуш-тиричилик кызматынын бөлүмдөрү, соода түйүндөрү, мончо иштейт. Кыштакта белгилүү комузчу С. Токтакунова туулган.