КОЙ-САРЫ ШААР КАЛДЫГЫ
КОЙ-САРЫ ШААР КАЛДЫГЫ – 6–15-к-га таандык археол. эстелик. Ысык-Көл өрөөнүндөгү Кой-Сары айылынын түштүгүндөгү тектирчеде жайгашкан. Шаар түн. тарабынан Ысык-Көл м-н чектешип, түштүгүнөн коргонуу жалдары м-н бекемделген. Алгач 1869-ж. изилденген. Казуу убагында бир топ курулуш (бышкан кыштан да жасалган) калдыктары, суу өткөрүүчү чопо түтүктөр, карапа идиштер, металл, таш, айнек буюмдар алынган. 1926-ж. шаар аймагынан байыркы түрк ж-а араб тамгалары жазылган таш да табылган.